عنوان القصيدة / رجعت يا شام / بقلم الشاعر / عازار الريم سورية
........رجعت يا شام .......... .
شعر باللغة المحكية
رجعت ياشام تااطلب رضاكي
و تأتعالج ب بلسم من دواكي
رجعت ندمان و الجانح مكسر
ع عشر سنين قضيتن بلاكي
انا اللي كنت طول الليل اسهر
و عمر الشبشبة قضيتو معاكي
برفة جفن من حظي المعتر
تركتك و انسكن قلبي بسواكي
و اللي عشقتها قلبا صغير
مامنحتني و لا ذره من هناكي
و لاعرفت قيمتي وعقلا تحجر
و لا شافت لوعتي و لا ارتباكي
الي بالحسن فيكي مرج اخضر
ب ربوة حالمة مع ورد زاكي
و فيجة دافقة ميات اطهر
من العفة العلى صفحة حلاكي
و تلة بصدرها لوحات مرمر
و زنابق بيض عطرها شذاكي
و دالة حاملة عناقيد جوهر
غمرها بالحلا لؤلؤ نداكي
و مساكب حسن قالتلي تخير
ب غنجة فاتنة و همسة ملاكي
بتسوى الدني و كنوز قيصر
و لأحلف ع الهوى و الحب كلو
إذا ما كان من نسمة هواكي .
يسعد صباحكن بالامل والحب والحياة.
تعليقات
إرسال تعليق