عنوان القصيدة / سكت اللسان / بقلم الشاعر / ابو رامي الأسواني

( سكت اللسان )

سكت اللسان
واتكلمت بينا القلوب
كلام  محبوب
ومرسوم جوه القلوب
سهام  من  نار
وكلام   بيدور
مش    مفهوم
غير  للعاشقين
تاهو   سوا
في بحور من الاحلام
وخدتهم  الاوهام
لسنين كتييير  قدام
عاشت  قلوبهم
في الخيال سارحة
ونجوم  طارحة
وفارشه ضيها ليهم
وغناويهم مش مسموعة
غير  ليهم
ولحن  جميل
وقلب   يميل
ما بين الثانيه والثانيه
ومش   دايمه
والفرحه كانت
يادوب  لحظه
ومش   باينه
عاشوها بس بخيالهم
وبنيالهم  قلوب بتحب
وسهم  كبييير  يرشق
ما بين القلب والقلب
وعلي سهوه
حس القلب بمرارة الفرقه
وقلب  بينزف
من    الاوجاع
وحب   وضاع
ومش.  هينفع
من  تاني يعود
ومبقاش  ينفع
مابيننا   وعود
خلص   الكلام
وانتي اللي خلصتيه
وبإيدك  سحبتي
السهم من قلبي  وضيعتيه
حسيت كأني في وهم كبير
وبيكي  بطير
وف لحظه وقع قلبي
عالارض اسير
خلاص هنسي
إن قلبي خلاص عايش
وف الخيال سارح
واسحب سهمي بإيديا
واعيش خالي
ومرتاح البال

     
        ١٣/٩/٢٠١٩